யு.பி.எஸ்.சி. தேர்வில் வெற்றி பெற்ற குக்கிராமத்து மாணவி

பழனியருகே குக்கிராமத்தை சேர்ந்த ஒரு மாணவி விடாமுயற்சியால் யு.பி.எஸ்.சி. தேர்வில் வெற்றிபெற்று சாதனை படைத்துள்ளார். பழனி அருகே கரிக்காரன் புதூரை சேர்ந்த சௌந்தரபாண்டியன் என்பவரது மகள் தமிழ் ஓவியா 2018-ம் ஆண்டு நடைபெற்ற யு.பி.எஸ்.சி. தேர்வில் வெற்றி பெற்று இந்திய அளவில் 345 ஆவது இடம் பிடித்துள்ளார். தற்போது தமிழ் ஓவியா  மாவட்ட கல்வி அலுவலர் அலுவலகத்தில் பணிபுரிந்து வருகிறார். விடாமுயற்சி செய்து  தன்னம்பிக்கையுடன் படித்தால் யார்வேண்டுமானாலும் வெற்றி பெறலாம் என தமிழ் ஓவியா தெரிவித்துள்ளார்.