"என் தாய்க்கு நிகழ்ந்த துயரம் யாருக்கும் வரக்கூடாது" - வேலூர் அ.தி.மு.க. கூட்டணி வேட்பாளர் உருக்கம்

வேலூர் மக்களவை தொகுதியில் போட்டியிடும், புதிய நீதிக் கட்சியின் தலைவர் ஏ.சி. சண்முகம் இன்று மேல் ஆலத்தூர், பட்டு  மற்றும்  ஒலக்காசி உள்ளிட்ட  பல்வேறு இடங்களில் பிரசாரம் மேற்கொண்டார். அப்போது பேசிய அவர், தாம் படித்துக் கொண்டிருந்த போது, தமது தாயார் 32 வயதில்  உடல் நலம் குன்றி காலமானதாகவும், இந்த தொகுதிக்கு உட்பட்ட தாய்மார்களுக்கு ஏற்படாமல் இருக்கும் வண்ணம் மருத்துவமனைகள் அமைத்து இலவச மருத்துவம் பார்ப்பேன் என்று தெரிவித்தார். ஒவ்வொரு சட்டப்பேரவை தொகுதியிலும் இலவச மருத்துவ முகாம் நடத்தி, அனைத்து நோய்களுக்கும் இலவசமாக மருத்துவம் பார்க்கப்படும்  என்றும், இலவசமாக அறுவை சிகிச்சையும் மேற்கொள்ளப்படும் என்றும் ஏ.சி.சண்முகம் வாக்காளர்களுக்கு வாக்குறுதி அளித்துள்ளார்.