ஆஸ்திரேலியாவில் வேலை தாங்கி வருவதாக மோசடி : ரூ. 5.5 லட்சம் மோசடி செய்த இளைஞர் கைது

ஆஸ்திரேலியாவில் ஆப்பிள் தோட்டத்தில் வேலை வாங்கி தருவதாக கூறி ஐந்தரை லட்சம் ரூபாய்  மோசடி செய்த இளைஞரை போலீசார் கைது செய்தனர். திருப்பூர் செட்டிபாளையத்தை சேர்ந்த ரமேஷ் என்பவரை ஆஸ்திரேலியாவுக்கு அனுப்புவதாக கூறி  நரேஷ், விஜய்  ஆகிய இருவரும் 1 லட்சத்து 85 ஆயிரம் ரூபாய் பணம் பெற்றுள்ளனர். இதே போல்  ராஜேஷ், ரகுபதி ஆகிய இருவரிடமும் சுமார் 4 லட்ச ரூபாய் பணம் வசூலித்து முறைகேடு செய்துள்ளனர். இது தொடர்பாக பாதிக்கப்பட்டவர்கள் அளித்த புகாரின் பேரில்  நரேஷை கைது செய்த போலீசார், மேலும் இருவரை தேடி வருகின்றனர்.