கோலாகலமாக நடைபெற்ற தேர்தல் பிரசாரம் - குட்டிக்கரணம் போட முயன்று குப்புற விழுந்த தொண்டர்

கரூர் தொகுதி அதிமுக வேட்பாளர் தம்பிதுரைக்கு அதரவாக  துணை முதலமைச்சர் பன்னீர் செல்வம் மணப்பாறையில் வாக்கு சேகரித்தார்.அப்போது, அவருக்கு தப்பாட்டத்துடன் வரவேற்பு அளிக்கப்பட்டது. சுட்டெரிக்கும் வெயிலையும் பொருட்படுத்தாமல் தலையில் துண்டைக்கட்டிக் கொண்டு தப்பாட்டத்திற்கு ஏற்றப்படி தொண்டர் ஒருவர் நடனமாடினார்.அப்போது குட்டிக்கரணம் போட முயற்சி செய்த அவர், நிலை தடுமாறி குப்புற விழுந்தார்.இருந்த போதிலும் அவர், சிறிது நேரம் கழித்து எழுந்து மீண்டும் நடனத்தை தொர்ந்தார். வெயிலின் தாக்கத்தை பொருட்படுத்தாமல் பிரசார கூட்டத்திற்கு வந்திருந்த ஆண்களும், பெண்களும் முக்காடு போட்டபடி நின்று பன்னீர் செல்வத்தின் பேச்சை கேட்டனர்.