மூதாட்டியிடம் பணத்தை பறித்துகொண்டு ஓட்டம்

திருவள்ளூர் மாவட்டம் மீஞ்சூரில் மூதாட்டியிடம் பணத்தை பறித்துக்கொண்டு ஓடிய வடமாநில சிறுவனை பொதுமக்கள் பிடித்து போலீசாரிடம்  ஒப்படைத்தனர்.மீன் வியாபாரம் செய்யும் மூதாட்டியிடம் நான்கு  பேர் கொண்ட வடமாநில கும்பல் பணத்தை திருடி கொண்டு தப்பி ஓடியுள்ளது. மூதாட்டி கூச்சலிட்டதை தொடர்ந்து, அங்கிருந்த பொதுமக்கள் வடமாநில இளைஞர்களை துரத்தியுள்ளனர். மூன்று பேர் தப்பி ஓடிய நிலையில், ஒரு சிறுவன் மட்டும் பொதுமக்கள் வசம் சிக்கினான். பணத்துடன் தப்பி ஓடிய மூன்று பேரையும் போலீசார் தீவிரமாக தேடி வருகின்றனர்.