தயார் நிலையில் அ.தி.மு.க. தேர்தல் அறிக்கை : நாளை முதலமைச்சரிடம் வழங்கப்படுகிறது

நாடாளுமன்ற தேர்தலையொட்டி தேர்தல் அறிக்கை தயாரிக்க, அ.தி.மு.க. முன்னாள் அமைப்பு செயலாளர் பொன்னையன் தலைமையில் குழு ஒன்று அமைக்கப்பட்டது. இந்த குழுவில்,நத்தம் விஸ்வநாதன், ஜெயக்குமார், சி.வி.சண்முகம், செம்மலை, மனோஜ் பாண்டியன், ரபி பெர்னர்ட்,  ஆகியோர்  இடம் பெற்றுள்ளனர். பொது மக்களின் தேவைக்கேற்ப அ.தி.மு.க. தேர்தல் அறிக்கை தயாரிக்கப்பட்டு உள்ளதாக கூறப்படுகிறது. இதனை நாளை அக்கட்சியின் தலைமை ஒருங்கிணைப்பாளர் மற்றும் இணை ஒருங்கிணைப்பாளரிடம், தேர்தல் அறிக்கை தயாரிப்பு குழு அளிக்க உள்ளதாக தெரிவித்துள்ளது. அந்த அறிக்கையில் ஏதேனும் திருத்தங்கள் இருப்பின், அதனை மேற்கொண்ட பின்னர்,  அ.தி.மு.க. தேர்தல் அறிக்கைவிரைவில் வெளியாகும் என எதிர்பார்க்கப்படுகிறது.