காணாமல் போன இளம்பெண் பிணமாக மீட்பு - தற்கொலையா ? கொலையா ? போலீஸ் விசாரணை

சேலம் ஓமலூர் அருகே காணாமல் போன இளம்பெண் பிணமாக மீட்கப்பட்ட நிலையில், கர்ப்பமாக இருந்தது தெரியவந்துள்ளது. ஓமலூர் அருகேயுள்ள செம்மாண்டப்பட்டி கிராமத்தை சேர்ந்த ராஜேந்திரன் என்ற கூலிதொழிலாளியின் மகள் சினேகாவை ,  கடந்த இரண்டு நாட்களாக காணவில்லை என்று தேடப்பட்டு வந்த நிலையில், அவர் வீட்டின் அருகே உள்ள விவசாய தோட்டத்தில்  சடலமாக மீட்கப்பட்டார். இதனிடையே, திருமணம் ஆகாத நிலையில் சினேகா கர்ப்பமாக இருந்தது பிரேத பரிசோதனையில் உறுதி செய்ப்பட்டுள்ளது. இந்நிலையில், அவர் தற்கொலை செய்து கொண்டாரா அல்லது திருமணம் செய்ய வற்புறுத்தியதால் கொல்லப்பட்டாரா என்பது குறித்து போலீஸ் விசாரணை மேற்கொண்டு வருகின்றனர்.