அ.தி.மு.க - பா.ம.க இடையே கூட்டணி ஒப்பந்தம் கையெழுத்து

அ.தி.மு.க., பா.ம.க இடையே நாடாளுமன்ற தேர்தல் கூட்டணி ஒப்பந்தம் கையெழுத்தானது. சென்னை ஆழ்வார்பேட்டையில் உள்ள நட்சத்திர ஹோட்டல் ஒன்றில் இந்த கூட்டணி பேச்சுவார்த்தை நடைபெற்றது. அ.தி.மு.க ஒருங்கிணைப்பாளர் ஒ.பன்னீர்செல்வம், முதலமைச்சர் எடப்பாடி பழனிசாமி, பா.ம.க நிறுவனர் ராமதாஸ், பா.ம.க. இளைஞரணி தலைவர் அன்புமணி முன்னிலையில்,  நாடாளுமன்ற தேர்தல் கூட்டணி ஒப்பந்தம் கையெழுத்தானது. பா.ம.கவுக்கு 7 மக்களவை தொகுதிகள் ஒதுக்கீடு செய்யப்பட்டுள்ளது. எந்தெந்த தொகுதிகள் என்பது குறித்து பின்னர் அறிவிக்கப்படும் என தெரிவிக்கப்பட்டுள்ளது. தமிழகத்தில் காலியாக உள்ள 21 சட்டமன்ற தொகுதி இடைத்தேர்தலிலும், அ.தி.மு.கவுக்கு பா.ம.க ஆதரவு என ஒப்பந்தம் போடப்பட்டுள்ளதாக கூறப்படுகிறது.