நடிகர் அபி சரவணன் மீது அதிதி மேனன் புகார்

திரைப்பட நடிகர் அபி சரவணன் மீது திரைப்பட நடிகை அதிதி மேனன் காவல் ஆணையரிடம் மோசடி புகார் அளித்துள்ளார். கடந்த 2016ஆம் ஆண்டு 'பட்டதாரி' என்ற திரைப்படத்தில் நடித்தபோது, இருவருக்கும் காதல் உண்டானதாகவும், அபி சரவணனின் செயல்பாடுகள் சரி இல்லாததால் அவரை விட்டு பிரிந்ததாகவும் அதிதி மேனன் தெரிவித்துள்ளார். இந்நிலையில் தன்னை பழிவாங்கும் நோக்கில் தொடர்ந்து தன் மீது பொய் புகார்களை அபிசரவணன் பரப்புவதாகவும் அவர் குற்றம் சாட்டியுள்ளார். இதுகுறித்து தகுந்த நடவடிக்கை எடுக்கும்படி காவல் ஆணையரிடம் புகார் அளித்துள்ளதாக நடிகை அதிதி மேனன் செய்தியாளர்களிடம் கூறினார்.