லஞ்ச ஒழிப்பு துறை போலீசார் சோதனை : ரு.4 லட்சம் ரொக்கம் பறிமுதல்

லஞ்சம் பெற்றதாக டாஸ்மாக்  சென்னை மண்டல முதுநிலை மேலாளர் அலுவலகத்தில் லஞ்ச ஒழிப்பு துறை போலீசார் சோதனை நடத்தி வருகின்றனர். சென்னை ஆயிரம் விளக்கு பகுதியில் டாஸ்மாக் சென்னை மண்டல முதுநிலை மேலாளர் அலுவலகம் செயல்பட்டு வருகிறது. இதில் மேலாளராக செயல்பட்டு வரும் முத்துகுமாரசாமி மீது லஞ்ச புகார்கள் குவிந்த வண்ணம் இருந்தன. இதனையடுத்து லஞ்ச ஒழிப்பு துறை போலீசார் அதிரடியாக சோதனையில் ஈடுபட்டனர் .சுமார் 4 மணி நேரம் நீடித்த சோதனையில் 3 லட்சம் ரூபாய் கணக்கில் வராத பணத்தை போலீசார் பறிமுதல் செய்துள்ளனர். இதனைத் தொடர்ந்து முத்துகுமரசாமியிடம் லஞ்ச ஒழிப்பு போலீசார் விசாரணை நடத்தி வருகின்றனர்.