மக்கள் நீதி மய்யம் கட்சியின் இரண்டாம் ஆண்டு துவக்க விழா நெல்லையில் பிப். 24-ந்தேதி கொண்டாட திட்டம் என தகவல்

மக்கள் நீதி மய்யம் கட்சியின் இரண்டாம் ஆண்டு துவக்க விழாவை நெல்லையில் கொண்டாட அக்கட்சி தலைமை திட்டமிட்டுள்ளது. கடந்த ஆண்டு பிப்ரவரி மாதம் 21-ந்தேதி மதுரையில் நடந்த பொதுக்கூட்டத்தில்

நடிகர் கமல்ஹாசன்,  மக்கள் நீதி மய்யம் என்ற பெயரில் புதிய அரசியல் கட்சியை தொடங்கினார். முதலில் கட்சி உயர்மட்ட குழுவை அமைத்த அவர், பின்னர் கட்சி நிர்வாகிகளுடன் ஆலோசித்து தமிழகம் முழுவதும் பொறுப்பாளர்களை நியமித்தார். வரும் நாடாளுமன்ற தேர்தலில் போட்டியிட போவதாக மக்கள் நீதி மய்யம் அறிவித்துள்ளது.  இந்நிலையில் வரும் 24-ந்தேதி மக்கள் நீதி மய்யம் கட்சியின் ஓராண்டு நிறைவு மற்றும் இரண்டாம் ஆண்டு துவக்க விழாவை நெல்லையில் கொண்டாட திட்டமிட்டுள்ளதாகவும், அதில் கட்சி தலைவர் கமல்ஹாசன் முக்கிய அறிவிப்பை வெளியிட உள்ளதாகவும் தகவல் வெளியாகியுள்ளது.