இழப்பீடு வழங்காததால் அரசுப் பேருந்து ஜப்தி

அரசுப் பேருந்து மோதி, ஊனமடைந்தவருக்கு இழப்பீடு வழங்காததால், பேருந்து ஜப்தி செய்யப்பட்டது. வேலூர் மாவட்டம், கொணவட்டத்தை சேர்ந்த அம்ஜத் என்பவருக்கு, 4 லட்சத்து 67 ஆயிரம் ரூபாய் இழப்பீட்டுத் தொகை வழங்க மாவட்ட அமர்வு நீதிமன்றம் உத்தரவிட்டிருந்தது. ஆனால் இழப்பீடு வழங்காததால், நீதிமன்ற ஆணையின் படி வேலூர் புதிய பேருந்து நிலையத்தில் நிறுத்தப்பட்டிருந்த அரசு பேருந்தை நீதிமன்ற ஊழியர்கள் ஜப்தி செய்து எடுத்து சென்றனர்.