உதகை : பல நாட்களாக ஊருக்குள் நடமாடிய 2 யானைகள் - அச்சத்தால் பணிக்கு செல்லாத தொழிலாளர்கள்

நீலகிரி மாவட்டம் உதகை அருகே உள்ள தூனேரி கிராமத்தில் கடந்த சில நாட்களாக 2 யானைகள்  விளை நிலங்களில் புகுந்து கேரட், பீட்ரூட் உள்ளிட்ட காய்கறிகளை சேதப்படுத்தின. அந்த யானைகளை  விரட்டும் முயற்சியில் வனத்துறையினர் ஈடுபட்டனர். பட்டாசுகளை வெடித்து அந்த யானைகளை சீகூர் வன பகுதிக்கு அவர்கள் விரட்டினர். கடந்த ஒரு வாரமாக காட்டு யானைகளின் நடமாட்டத்தால் அச்சமடைந்து தேயிலை தோட்டம், விளை நிலங்களில் பணிபுரியும் தொழிலாளர்கள் பணிக்கு செல்லவில்லை.