மகாத்மா காந்தியின் 72வது நினைவு நாள் : திருஉருவ படத்துக்கு காங்கிரஸ் கமிட்டி சார்பில் மலரஞ்சலி

காந்தியின் 72வது நினைவு நாளை முன்னிட்டு சென்னை சத்யமூர்த்தி பவனில், தமிழ்நாடு காங்கிரஸ் சார்பில், காந்தியின் உருவ படத்திற்கு மலரஞ்சலி செலுத்தப்பட்டது. இதில் தமிழ்நாடு காங்கிரஸ் முன்னாள் தலைவர் குமரி ஆனந்தன் கலந்துகொண்டு, காந்தியின் படத்திற்கு மாலை அணிவித்து மரியாதை செலுத்தினார். அப்போது தமிழ் மீது காந்தி அதீத பற்றுக்கொண்டவர் என்று கூறிய அவர், தமிழை தவிர்த்து ஆங்கிலத்தை திணிக்கும் தமிழக அரசை கண்டித்து பிப்ரவரி 3ஆம் தேதி தமிழ் ஆர்வலர்கள் ஆர்ப்பாட்டத்தில் ஈடுபட உள்ளதாக  தெரிவித்தார்.