கந்துவட்டி புகார் - திமுக பிரமுகர் கைது

சென்னை அயனாவரத்தை சேர்ந்த பாஸ்கர், திமுக வட்டச் செயலாளராக உள்ளார். ரியல் எஸ்டேட் தொழிலும் அவர் ஈடுபட்டுள்ளார். இந்நிலையில், கடந்த 3 நாட்களுக்கு முன்பு  பாஸ்கரின் அலுவலகத்தை அப்பகுதியை சேர்ந்த சசிக்குமார், மணிகண்டன் ஆகியோர் தாக்கியதை அடுத்து, இருவரையும் போலீஸார் கைது செய்தனர். விசாரணையில், சசிகுமார் வாங்கிய ஒரு லட்சம் ரூபாய் கடனுக்கு பாஸ்கர் அதிக வட்டி கேட்டதை அடுத்து, இருவருக்கும் தகராறு ஏற்பட்டதும், இதனால் பாஸ்கரின் அலுவலகத்தை சசிகுமார், மணிகண்டன் ஆகியோர்  தாக்கியதும் தெரியவந்தது. இதையடுத்து, கந்துவட்டி புகாரில் பாஸ்கரை போலீஸார் கைது செய்தனர்.