"ஆதார் பயோமெட்ரிக் பதிவுகள்" - நீதிமன்றத்தில் பத்திரப்பதிவுத்துறை தகவல்

ஆதாருக்காக பெறப்பட்ட பயோமெட்ரிக் விவரங்களை பத்திர பதிவுக்கு பயன்படுத்த இருப்பதாக சென்னை உயர் நீதிமன்றத்தில் தெரிவிக்கப்பட்டது 

* பத்திர பதிவு  துறையில் ஊழலை குறைக்க மற்றும் வெளிப்படைத்தன்மையை  பின்பற்றுவதற்கு எடுக்கப்பட்டுள்ள  நடவடிக்கை குறித்த அறிக்கை தாக்கல் செய்யுமாறு பத்திரப்பதிவு துறை தலைவருக்கு சென்னை உயர் நீதிமன்றம்  உத்தரவிட்டிருந்தது.

* இது தொடர்பாக பத்திரப்பதிவுத்துறை தலைவர் குமரகுருபரன் தாக்கல் செய்த மனுவில், பத்திர பதிவுத்துறை சேவைகளை எளிமைபடுத்தவும், ஆள்மாறாட்டத்தை தடுக்கவும், ஆவணங்களை மோசடியாக திருத்துவதை ஒழிக்கவும் நடவடிக்கை எடுக்கப்பட்டுள்ளதாக தெரிவித்துள்ளார். 

* பத்திரப்பதிவுத்துறையில் ஊழலை குறைக்கவும், இடைத்தரகர்களை ஒழிக்கவும்  ஸ்டார் 2.0 என்ற இணைய அடிப்படையிலான மென்பொருளை அமல்படுத்தியுள்ளதாக அந்த அறிக்கையில் தெரிவிக்கப்பட்டுள்ளது. 

* புதிய வசதியை பயன்படுத்தி, பொதுமக்களே ஆவணங்களை தயார் செய்ய முடியும் என்றும், இதன் மூலம் கடந்த 23 ந்தேதி வரை 20 லட்சம் பத்திரங்கள் தயாரிக்கப்பட்டுள்ளதாகவும் அதில் தெரிவிக்கப்பட்டுள்ளது. 

* பிறர் நிலத்தை ஆள்மாறட்டம் செய்து விற்பதை தடுக்க, விற்பவரின் கைரேகையை சரிபார்க்கும் நடைமுறை பின்பற்றப்பட்டு வருவதாகவும் ,

* அரசு நிலங்களை மற்றவர்கள் பத்திரப்பதிவு செய்வதை தடுக்க வருவாய் துறையின் தமிழ் நிலம் என்னும் செயலி, பத்திரப்பதிவுக்கான மென்பொருளுடன் இணைக்கப்பட்டுள்ளதாகவும் அந்த அறிக்கையில் குறிப்பிடப்பட்டுள்ளது.

* ஆதாருக்காக பெறப்பட்ட பயோ-மெட்ரிக் விவரங்களை பத்திரப்பதிவுக்கு பயன்படுத்த, 2 ஆயிரத்து 725 கருவிகள் வாங்க 2 கோடி ரூபாயை அரசு ஒதுக்கீடு செய்துள்ளதாகவும், 

* பத்திரப்பதிவுக்கான கட்டணத்தை இணையதளம் மூலம் செலுத்த  வங்கிகளுடன் புரிந்துணர்வு ஒப்பந்தம்