திறக்கப்படாத நெல் கொள்முதல் நிலையங்கள் : அறுவடை செய்த நெல்லை கொட்டி விவசாயிகள் போராட்டம்

நாகை அருகே அறுவடை செய்த நெல்லை கொட்டி விவசாயிகள் போராட்டம் நடத்தினர்.சம்பா சாகுபடி செய்து அறுவடை முடிந்த நிலையில், நாகை மாவட்டம் பெருங்கடம்பனூர் பகுதியில் நெல் கொள்முதல் நிலையம் திறக்கப்படவில்லை என கூறப்படுகிறது. இதனால் பாலையூர், பெருங்கடம்பனூர், தெத்தி, புலியூர் போன்ற கிராமங்களில் இருந்து நெல் மூட்டைகளை கொண்டு  வந்த விவசாயிகள் பெரும் அவதிக்குள்ளாகினர். பின்னர் கொள்முதல் நிலையம் முன்பு நெல்லை கொட்டி வைத்து காத்திருப்பு போராட்டம் நடத்தினர். நாளை பொங்கல் பண்டிகை கொண்டாடப்பட உள்ள நிலையில் விவசாயிகள் வேதனையடைந்துள்ளனர்.