கொடநாடு விவகாரம் - சயன், மனோஜிடம் தொடர் விசாரணை

கொடநாடு விவகாரத்தில் டெல்லியில் கைது செய்யப்பட்டு சென்னை அழைத்து வரப்பட்டுள்ள சயன் மற்றும் மனோஜ்  ஆகியோரிடம், மத்திய குற்றப்பிரிவு போலீசார் தொடர்ந்து விசாரணை நடத்தி வருகின்றனர். சென்னையில் உள்ள மத்திய குற்றப்பிரிவு தலைமை அலுவலகத்தில் வைத்து இந்த  விசாரணை நடைபெறுகிறது. கடந்த ஒன்றரை ஆண்டுகாலமாக, இவர்கள் இருவரையும் சந்தித்தது யார் உள்ளிட்ட பல்வேறு கேள்விகளை போலீசார் எழுப்பியதாக கூறப்படுகிறது. இன்று நீதிமன்றம் விடுமுறை என்பதால், விசாரணைக்கு பிறகு, எழும்பூர் நீதிபதி வீட்டில் இருவரையும் ஆஜர்படுத்தி புழல் சிறையில் அடைக்க போலீசார் திட்டமிட்டுள்ளதாக தகவல்கள் தெரிவிக்கின்றன.