ஆம்புலன்ஸ் செல்வதற்கு புதிய திட்டம் உருவாக்கிய மாணவன்

சேலம் மாவட்டம் ஓமலூர் அருகே உள்ள பண்ணப்பட்டி பகுதியை சேர்ந்த வீராசாமியின் மகன் மேகநாதன், அரசுப் பள்ளியில் 9 ஆம் வகுப்பு படித்து வருகிறார். விபத்தில் காயமடைந்தவர்களை விரைவாக மருத்துவமனைக்கு கொண்டு செல்வது தொடர்பாக கண்டுபிடிப்பை உருவாக்கிய மாணவன், அதனை போபாலில் நடந்த கண்காட்சியில் வைத்தார். மாணவரின் இந்த கண்டுபிடிப்புக்கு வெகுமதி அளிக்கும் வகையில் வெளிநாட்டுக்கு கல்வி சுற்றுலா அழைத்து செல்ல தேர்வு செய்யப்பட்டுள்ளார். வரும் 21ஆம் தேதி விமானம் மூலம் ஸ்வீடன், பின்லாந்து ஆகிய நாடுகளுக்கு செல்லும் அவர், அந்த நாடுகளின் கலாச்சாரம் குறித்து தெரிந்து கொள்ள உள்ளார். இதனால் அவரது பள்ளி ஆசிரியர்கள், உறவினர்கள் உட்பட பலரும் மகிழ்ச்சியடைந்துள்ளனர்.