தவறான உறவை தட்டிக்கேட்டதால் தாயை உயிரோடு எரித்து கொன்ற மகள்...
தாம்பரம் அருகே பெற்ற தாயை, அவருடைய மகளே தீ வைத்து கொளுத்திய சம்பவம் அதிர்ச்சியை ஏற்படுத்தியுள்ளது.
* குரோம்பேட்டையை சேர்ந்தவர் பூபதி. 58 வயது பெண்மணியான இவர், பகலில் வீட்டில் உறங்கிக் கொண்டிருந்தபோது, திடீரென அவரது உடலில் தீப்பற்றியது. அலறி துடித்தபடி வெளியே ஓடிவந்த அந்த பெண்ணை, அக்கம்பக்கத்தினர் மீட்டனர். 70 சதவீதம் காயங்களுடன் கீழ்ப்பாக்கம் அரசு மருத்துவமனையில் அனுமதிக்கப்பட்ட அந்த பெண், சிகிச்சை பலனின்றி உயிரிழந்தார்.
* இது குறித்து வழக்கு பதிவு செய்த குரோம்பேட்டை போலீசார், பூபதி உடலில் தானாக தீப்பற்ற காரணம் என்ன என்பது குறித்து அவரது மகள் நந்தினியிடம் விசாரணை மேற்கொண்டதில் உண்மை வெளிச்சத்திற்கு வந்துள்ளது.
* ஏற்கனவே திருமணமான நந்தினி வேறொருவருடன் தொடர்பில் இருந்ததை பூபதி தட்டிக்கேட்டுள்ளார். இதனால், ஆத்திரம் அடைந்த நந்தினி, தாயின் உடலில் மண்ணெண்ணெய் ஊற்றி தீவைத்தது தெரியவந்தது. தகாத உறவுக்காக பெற்ற தாயை எரித்து கொலை செய்த மகளின் ஈவு இரக்கமற்ற செயல் அப்பகுதி மக்களிடையே அதிர்ச்சியை ஏற்படுத்தியுள்ளது.
Next Story
