தாயை பராமரிக்காததால் தந்தையை கொலை செய்த மகன்...

வேலூர் மாவட்டம், காட்பாடி அருகேயுள்ள வஞ்சூரை சேர்ந்தவர் பிரபு, அங்குள்ள தனியார் கல்லூரியில் முதலாம் ஆண்டு இளங்கலை படித்து வருகிறார். பிரபுவின் தந்தை கண்ணன், அதே பகுதியில் சிக்கன் கடை நடத்தி வருகிறார். கண்ணனுக்கு, அப்பகுதியில் உள்ள வேறொரு பெண்ணுடன் தொடர்பு இருந்ததாக கூறப்படுகிறது. இதனிடையே, உடல் நலம் பாதிக்கப்பட்டிருந்த பிரபுவின் தாய் நிர்மலா, கடந்த 13-ஆம் தேதியன்று உயிரிழந்தார். இந்தநிலையில், தனது தந்தை கண்ணனுடன், பிரபு கடும்  வாக்குவாதத்தில் ஈடுபட்டுள்ளார். நீங்கள் தகாத உறவு கொண்டிருந்ததால் தான், எனது தாயை கவனித்துக் கொள்ளவில்லை" என கண்ணனிடம் சொல்லி ஆத்திரமடைந்த பிரபு, அவரை கத்தியால் சரமாரியாக குத்தியுள்ளார். இதில், கண்ணன் உயிரிழந்ததை தொடர்ந்து, காட்பாடி காவல் நிலையத்தில் பிரபு சரணடைந்தார். தாயை கவனிக்காததால், மகனே தந்தையை கொலை செய்த சம்பவம் பரபரப்பை ஏற்படுத்தியுள்ளது.