அரசு மருத்துவமனையில் லஞ்ச ஒழிப்புத்துறை சோதனை...

வேலூர் மாவட்டம் அடுக்கம்பாறை அரசு மருத்துவமனையில், லஞ்ச ஒழிப்புத்துறையினர் விடிய விடிய சோதனை நடத்தியுள்ளனர். சுகாதார ஆய்வாளர் தயாளன் என்பவர் மருத்துவமனையில் பிறக்கும் குழந்தைகளுக்கு பிறப்பு சான்றிதழ் வழங்க லஞ்சம் பெறுவதாக எழுந்த புகாரை தொடர்ந்து , இந்த சோதனை நடத்தப்பட்டுள்ளது. பிறப்பு சான்றிதழ் வழங்கும் பிரிவில் நடைபெற்ற இந்த சோதனையில், கணக்கில் வராத 6 ஆயிரத்து 500 ரூபாய் பணம் சிக்கியுள்ளது. இதுகுறித்து சுகாதார ஆய்வாளர் தயாளனிடம் லஞ்ச ஒழிப்புத்துறையினர் விசாரணை நடத்தி வருகின்றனர்.