முகவரி கேட்பதுபோல் முதியவர் கடத்தல் : சிசிடிவி மூலம் கொள்ளையர்களை பிடித்த போலீஸ்

சென்னையில் முதியவரை கடத்தி தங்க நகைகளை பறித்த இருவரை போலீசார் கைது செய்துள்ளனர். அம்பத்தூர் அடுத்த பாடியைச் சேர்ந்த கோபிநாத் என்ற முதியவர், அப்பகுதியில் நடைபயிற்சி சென்றுள்ளார். ஆட்டோவில் வந்த இருவர், முகவரி கேட்பது போல் ஆட்டோவில் அவரை ஏற்றி கடத்தியுள்ளனர். சத்தமிட்ட முதியவரை நுங்கம்பாக்கத்தில் இறக்கிவிட்ட அவர்கள், செயின், மோதிரத்தை பறித்துக்கொண்டு அனுப்பினர். இதைத் தொடர்ந்து புகாரின் பேரில் வழக்குப் பதிவு செய்த கொரட்டூர் போலீசார், சிசிடிவி காட்சிகளை ஆய்வு செய்ததன் மூலம், நூதனக் கொள்ளையில் ஈடுபட்ட திருநின்றவூரைச் சேர்ந்த மகேஷ், சதாசிவம் ஆகிய இருவரையும் கைது செய்துள்ளனர்.