தனிப்படையினர் தேடி வந்த கொள்ளையர்கள் கைது - பணம், இரு சக்கர வாகனங்கள் பறிமுதல்

சென்னை மற்றும் காஞ்சிபுரம் பகுதிகளில், பல்வேறு கொள்ளை சம்பவங்களில் ஈடுபட்டு வந்த கொள்ளையர்கள் போலீசாரிடம் சிக்கியுள்ளனர். கேளம்பாக்கம் பகுதியில், சோதனையில் ஈடுபட்டிருந்த போலீசாரிடம்  ஐதராபாத்தை சேர்ந்த ராஜா சிக்கியுள்ளான். அவனிடம் நடத்திய விசாரணையில், பல்வேறு பகுதிகளில் கூட்டாளிகளுடன் சேர்ந்து கொள்ளையடித்தது தெரிய வந்தது. அவன் அளித்த தகவலின்பேரில், வில்லிவாக்கம் சரண்ராஜ், ஆந்திராவை சேர்ந்த சிறுப்பி மற்றும் கெங்கா, திருப்பதியை சேர்ந்த வெங்கடேசன் மற்றும் தனுஷ் ஆகியோரை கைது செய்த போலீசார், அவர்களிடம் இருந்து 25 ஆயிரம் ரூபாய் பணம் மற்றும் 6 இருசக்கர வாகனங்களை பறிமுதல் செய்தனர்.