ரூ14 லட்சம் கடத்தல் தங்கம் பறிமுதல் - சிறிய தொகைக்கு ஆசைப்பட்டு சிக்கிய 2 பேர்

திருச்சி விமான நிலையத்தில்,  சுமார் 14 லட்சம் ரூபாய் மதிப்புள்ள கடத்தல் தங்கம் பறிமுதல் செய்யப்பட்டது. சார்ஜாவில் இருந்து திருச்சி வந்த ஏர் இந்தியா எக்ஸ்பிரஸ் விமானத்தின் பயணிகளின் உடமைகளை சுங்கத்துறை அதிகாரிகள் சோதனை செய்தனர். அப்போது பட்டுக்கோட்டையைச் சேர்ந்த அகமது முகைதீன் என்பவர், 233 கிராம் தங்கத்தை மறைத்து வைத்து கடத்தி வந்தது தெரியவந்தது. அதேபோன்று, சிங்கப்பூரில் இருந்து திருச்சி வந்த ஸ்கூட் விமானத்தில் வந்த தஞ்சையை சேர்ந்த ராதா என்பவரும், 207 கிராம் தங்க நகைகளை மறைத்து கடத்தி வந்தது தெரியவந்தது. இவர்கள் இருவரும் விடுமுறைக்காக ஊருக்கு திரும்பிய போது, சிறிய தொகைக்காக ஆசைப்பட்டு தங்கத்தை கடத்தி வந்ததுள்ளனர்.