திருச்சி விமான நிலையத்தில் அதிமுகவினரிடையே தகராறு

அமைச்சர் விஜயபாஸ்கரை வரவேற்க வந்த அவரது ஆதரவாளர்கள் திருச்சி விமான நிலையத்தில் மோதிக்கொண்டதால் பரபரப்பு நிலவியது. சென்னையிலிருந்து திருச்சி சென்ற அமைச்சர் விஜயபாஸ்கரை வரவேற்க புதுக்கோட்டையைச் சேர்ந்த அதிமுகவினர் திரண்டிருந்தனர். அப்போது, தம்மைப்பற்றி அமைச்சரிடம் தவறான கருத்துக்களை பரப்புவதாக கூறி, இழுப்பூரைச் சேர்ந்த ராஜமன்னார் மற்றும் நல்லூர் கருப்பையா ஆகியோரிடையே கைகலப்பு உண்டானது. இந்தச் சம்பவத்தால் அங்கு பரபரப்பு நிலவியது. பின்னர், அங்கு வந்த அமைச்சர் கட்சியினரை சமரசப்படுத்தி அழைத்துச் சென்றார்