கஜா புயல் எதிரொலி - டி.என்.பி.எஸ்.சி. தேர்வுக்கு விண்ணப்பிக்க கால அவகாசம்
கஜா புயல் பாதிப்பு காரணமாக கல்வி உதவித்தொகை பெறுவதற்கான தேர்வு தள்ளி வைக்கப்பட்டுள்ளது. மேலும் டி.என்.பி.எஸ்.சி. தேர்வுக்கு விண்ணப்பிக்கவும் கால அவகாசம் வழங்கப்பட்டுள்ளது.
8ஆம் வகுப்பு படிக்கும் மாணவர்கள் மத்திய அரசின் கல்வி உதவித்தொகை பெறுவதற்கான போட்டித்தேர்வு டிசம்பர் 1ஆம் தேதி நடைபெற இருந்தது. இந்நிலையில் தற்போது கஜா புயல் பாதிப்பு காரணமாக மாணவர்களின் நலனை கருத்தில் கொண்டு இந்த தேர்வு டிசம்பர் 15ஆம் தேதிக்கு தள்ளி வைக்கப்படுவதாக தேர்வுத்துறை இயக்குனர் வசுந்தரா தேவி அறிவித்துள்ளார்.
மேலும் டி.என்.பி.எஸ்.சி, தோட்டக்கலை உதவி இயக்குனர், கூட்டுறவு சங்கங்களின் இளநிலை ஆய்வாளர் உள்ளிட்ட ஐந்து பணிகளுக்கான தேர்வுகளுக்கு, விண்ணப்பிப்பதற்கான கால அவகாசத்தை வரும் டிசம்பர் 10ஆம் தேதி வரை நீட்டித்து அறிவித்துள்ளது.
Next Story
