புயலை தாங்கிய பனை மரங்கள் - தென்னை வீழ்ந்த போதும் நிமிர்ந்து நின்ற பனை

இத்தகைய நன்மையை வழங்கிடும் காரணத்தினால் தான் பனை மரத்தை 'பூலோகத்தின் கற்பகத்தரு' என்று சொல்கின்றனர். தமிழ்நாட்டின் பல்வேறு அடையாளங்களில் மரத்திற்குரிய அடையாளமாக பனை மரத்தையே குறிப்பிடுகின்றனர். கல் தோன்றி மண் தோன்றா காலத்திற்கு முன்னரே தோன்றிய காலத்தவர் என்ற பெருமைக்குரிய நம் முன்னோர், பனை மரம் வளர்ப்பதில் அதிகப்படியான கவனம் செலுத்தியுள்ளனர். பனை மரம் எத்தகைய சூறைக் காற்றிலும் வீழ்ந்திடாத தன்மை கொண்டவை... புயல் காற்றுகளில் உண்டாகும் பெரும் சூறாவளிக் காற்றைத் தடுத்து மக்களை பாதுகாத்திடக் கூடியவை என்றும் உறுதியாக சொல்லலாம். காற்றின் வேகத்தை தடுத்து, காற்றினை மேலே அனுப்பிவிடக் கூடிய வல்லமை பெற்றவை பனை மரங்கள். இந்த காரணத்திற்காகவே, நமது முன்னோர்கள் கடற்கரை ஓரங்களில் பனை மரங்களை வளர்த்து வந்துள்ளனர். எல்லாவற்றுக்கும் மேலாக, காற்று மாசை பனை மரத்தினால் மட்டுமே கட்டுப்படுத்திட முடியும் என்பதும் கண்டறியப்பட்டுள்ளது.வரும் காலங்களில் புயலின் அழிவிலிருந்து நம்மை பாதுகாத்துக் கொள்ள குளக்கரை, ஓடைகள், ஆறு, ஏரிகளின் கரைகளில் என்று, எங்கெங்கு முடியுமோ அங்கெல்லாம் பனை மரங்களை நட்டு வளர்ப்போம். நமது சந்ததிகளை புயல் ஆபத்திலிருந்து பாதுகாப்போம் என்று, இயற்கை ஆர்வலர்கள் வலியுறுத்தியுள்ளனர்.