நாகையில் கம்ப்யூட்டர் கடையில் திடீர் தீ விபத்து : ரூ. 7 லட்சம் ரொக்கப்பணம் தீக்கிரையானதாக தகவல்

நாகப்பட்டினம் நீலா தெற்கு வீதியில் உள்ள தனியார் வணிக வளாகத்தில் உள்ள பிரகாஷ் என்பவருக்கு சொந்தமான கம்ப்யூட்டர் கடையில் திடீரென தீப்பற்றி உள்ளது. அக்கம் பக்கத்தில் உள்ளவர்கள் கடையின் உரிமையாளருக்கு தகவல் தெரிவித்துவிட்டு ,தீயை அணைக்க போராடியுள்ளனர். தகவலறிந்து சம்பவ இடத்திற்கு விரைந்து வந்த தீயணைப்பு துறையினர் தீயை அணைத்தனர். இந்த விபத்தில் கடையில் இருந்த 20 லட்சம் ரூபாய் மதிப்புள்ள மின் சாதனப் பொருட்கள் தீயில் கருகியதுடன்,  கடையில் இருந்த 7 லட்சம் ரூபாய் ரொக்க பணமும் தீக்கிரையானதாக உரிமையாளர் பிரகாஷ் தெரிவித்துள்ளார்.