நாட்டு பசுமாட்டுடன் கொஞ்சி விளையாடும் 2 வயது குழந்தை

ஈரோடு மாவட்டம் சத்தியமங்கலம் அருகே உள்ள அக்கரை நெகமம் கிராமத்தை சேர்ந்தவர் மகேஷ்வரன். விவசாய கூலித்தொழிலாளியான இவருக்கு திவ்யா என்ற மனைவியும், சீயான் என்ற 2 வயது ஆண்குழந்தையும் உள்ளனர். மகேஷ்வரன் தன் வீட்டில் வளர்த்து வரும் நாட்டு பசுமாட்டுடன் அவரது 2 வயது மகன் சீயான் நெருக்கமாக பழகி வருகிறார். பார்ப்பதற்கு பிரம்மாண்ட தோற்றம் தரும் மாட்டை கயிற்றை பிடித்தபடி மேய்ச்சலுக்கு அழைத்து செல்வது, மாட்டுக்கு பிடித்த உணவுகளை கொடுப்பது என அதோடு சிறுவன் அன்பாக பழகி வருகிறான். 

அதற்கேற்றார் போல மாடும் அந்த சிறுவனிடம் உண்மையான அன்போடு பழகி வருவதாக சிறுவனின் பெற்றோர் மகிழ்ச்சி  தெரிவிக்கின்றனர். ஆளுயர பிரம்மாண்ட மாடும், 2 வயது சிறுவனும் கொஞ்சி விளையாடும் காட்சி பார்ப்போரை பரவசத்தில் ஆழ்த்தி வருகிறது.