கோவை மாவட்டம் : கொட்டும் மழையில் காலிகுடங்களுடன் பெண்கள் மறியல்

கோவை மாவட்டம் நஞ்சுண்டபுரம் ஊராட்சிக்கு உட்பட்ட சோமையனூரில் கொட்டும் மழையிலும், காலி குடங்களுடன் 100க்கும் மேற்பட்ட பெண்கள் சாலை மறியலில் ஈடுபட்டனர். கடந்த 50 நாட்களுக்கு மேலாக குடிநீர் வராதது குறித்து புகார் அளித்தும் சம்பந்தப்பட்ட அதிகாரிகள் நடவடிக்கை எடுக்கவில்லை என அவர்கள் குற்றம்சாட்டினார். சமரசம் பேசிய வட்டார வளர்ச்சி அலுவலர் நவமணி, 10 நாட்களுக்குள் தண்ணீர் பிரச்சினை தீரும் என உறுதி அளித்ததை தொடர்ந்து மறியல் கைவிடப்பட்டது.