புதுச்சேரியில் கஜா புயல் வெள்ளப்பாதிப்பு : பிரதமரை சந்திக்கிறார், முதல்வர் நாராயணசாமி

புதுச்சேரி மாநிலம் காரைக்கால் மாவட்டத்தில், 'கஜா' புயலால் கடும் பாதிப்பு ஏற்பட்டுள்ளது. காரைக்காலுக்கு 187 கோடி ரூபாயை மத்திய அரசு வழங்க வேண்டும் என அம்மாநில முதலமைச்சர் நாராயணசாமி வலியுறுத்தி இருந்தார். இந்நிலையில், பிரதமர் மோடி மற்றும் உள்துறை அமைச்சர் ராஜ்நாத் சிங் ஆகியோரை நேரில் சந்திக்க நாராயணசாமி முடிவு செய்துள்ளார். எனவே, இன்று காலை 6.30 மணிக்கு சென்னையில் இருந்து விமானம் மூலம் டெல்லி புறப்பட்டு சென்றார். இன்று பிற்பகலில் இருவரையும் நாராயணசாமி சந்திப்பார் என தெரிகிறது.