எத்தனை பள்ளிகளில் ஆங்கில வழி வகுப்புகள் நடத்தப்படுகின்றன என்ற விவரத்தை தெரிவிக்க தமிழக அரசுக்கு உயர்நீதிமன்றம் உத்தரவு

* அரசு மற்றும் அரசு உதவி பெறும் தமிழ் வழி பள்ளிகளில் ஆங்கில பயிற்சி வகுப்புகளை அறிமுகம் செய்யக் கோரியும், மழலையர் வகுப்புகளை துவங்கக் கோரியும் திமுக முன்னாள் எம்எல்ஏ அப்பாவு, சென்னை உயர்நீதிமன்றத்தில் மனுத்தாக்கல் செய்தார்.

card 2

அதில், அரசு பள்ளி  மாணவர்கள் பள்ளி இறுதி வகுப்பை முடித்த பிறகு, ஆங்கில பேச்சு திறன் இல்லாத காரணத்தால், தொழிற்கல்விகளில் சேர முடியாத நிலையும், 

* நல்ல வேலை வாய்ப்புகளை பெற முடியாத நிலையும் இருப்பதாக தெரிவித்திருந்தார்.

* இதனால், அரசு பள்ளிகளில் ஆங்கில பயிற்சி வகுப்புகளை நடத்தவும், எல்.கே.ஜி மற்றும் யு.கே.ஜி வகுப்புகள் துவங்கக் கோரியும் அரசுக்கு மனு அனுப்பியும் எந்த  நடவடிக்கையும் எடுக்கவில்லை என அவர்  குறிப்பிட்டிருந்தார்.

* இந்த மனு நீதிபதிகள் மணிக்குமார், சுப்பிரமணியம் பிரசாத்  அடங்கிய அமர்வு முன்பு விசாரணைக்கு வந்தபோது, அரசு பள்ளிகளில் எல்.கே.ஜி., யு.கே.ஜி வகுப்புகள் துவங்கப்பட்டுள்ளதாகவும், ஆங்கில வழி வகுப்புகள் நடத்தப்பட்டு வருவதாகவும் அரசுத்தரப்பில் தெரிவிக்கப்பட்டது.

* இதனைக்கேட்ட நீதிபதிகள், எத்தனை பள்ளிகளில் ஆங்கில வழி வகுப்புகள், மழலையர் வகுப்புகள் நடத்தப்படுகின்றன என்ற விவரத்தை தெரிவிக்க தமிழக அரசுக்கு உத்தரவிட்டனர்.