தமிழகம் முழுவதும் இன்று வாக்காளர் பட்டியல் சரிபார்ப்பு முகாம்

தமிழகம் முழுவதும், இன்று வாக்காளர் பட்டியல் சரிபார்ப்பு முகாம் நடைபெற்று வருகிறது. எதிர்வரும் நாடாளுமன்ற தேர்தலுக்காக, இதுவரை மூன்று முறை, வாக்காளர் பட்டியல் சரிபார்ப்பு முகாம் நடைபெற்ற நிலையில், இன்று கடைசி முகாம் நடைபெறுகிறது. வாக்காளர் பட்டியலில் பெயர் சேர்க்கவோ அல்லது நீக்கவோ விரும்புவோர், அந்தந்த பகுதிகளில் அமைக்கப்படும் முகாம்களுக்கு சென்று தங்களது மனுக்களை அளிக்கலாம். இதேபோல, பிழை திருத்தம், முகவரி திருத்தம், புதிய வாக்காளர் இணைப்பு உள்ளிட்டவற்றை மேற்கொள்ள விரும்புவோரும், முகாம்களை நாடலாம். இதனிடையே, மதுரை மகபூப்பாளையத்தில் உள்ள அரசு பெண்கள் மேல்நிலை பள்ளியில் நடைபெற்று வரும் வாக்காளர் சிறப்பு முகாமை கூட்டுறவு துறை அமைச்சர் செல்லூர் ராஜூ,  பார்வையிட்டார்.