இரண்டரை கிலோ கடத்தல் தங்கம் பறிமுதல்

இலங்கையில் இருந்து திருச்சி வந்த விமானத்தில் சுமார் இரண்டரை கிலோ கடத்தல் தங்கம் பறிமுதல் செய்யப்பட்டது. தங்க துகள்களை பற்பசையில் கலந்து கடத்தி வந்த ராமநாதபுரம் மாவட்டம் எஸ்பி.பட்டினத்தை சேர்ந்த முகமது ஷேக், ரகுமான் உள்ளிட்ட 8 பேரிடம் இருந்து சுமார் 63 லட்ச ரூபாய் மதிப்பிலான தங்கம் பறிமுதல் செய்யப்பட்டது. இதேபோல் அதே விமானத்தில் வந்த 3 பேரிடம் 16 லட்சம் மதிப்பிலான தங்கத்தை வான் நுண்ணறிவு பிரிவினர் பறிமுதல் செய்தனர்.