பவானிசாகர் அணையில் இருந்து 40,000 கன அடி உபரி நீர் வெளியேற்றம்

பவானி சாகர் அணையின் நீர் பிடிப்பு பகுதிகளில் தொடர்ந்து மழை பெய்து வருகிறது. இதனால், பவானி சாகர் அணையின் நீர்மட்டம் வேகமாக உயர்ந்து 102 அடியை எட்டியுள்ளது. இதனால், அதிகப்படியான நீரை வெளியேற்றுவதற்கு  வருவாய் துறையினரும், நகராட்சி, பேரூராட்சிகளை சேர்ந்த நிர்வாகிகளும், ஒலி பெருக்கி மூலம் வெள்ள அபாய எச்சரிக்கை விடுத்துள்ளனர். இந்நிலையில், அணையின் பாதுகாப்பு கருதி, ஈரோடு மாவட்ட ஆட்சியர் பிரபாகர் நேற்றிரவு அணையை திறந்து வைத்தார். பவானி ஆற்றில், வினாடிக்கு 40 ஆயிரம் கன அடி நீர் வெளியேற்றப்பட்டு வருகிறது. 2007 ஆம் ஆண்டுக்கு பிறகு 11 ஆண்டுகளாக மேல் மதகுகள் வழியாக நீர் வெளியேற்றப்படாமல் இருந்த நிலையில், தற்போது தண்ணீர் வெளியேறுவதை சுற்றுவாட்டார மக்கள் ஆர்வமுடன் கண்டு ரசித்தனர்.