ஆக.14ல் திமுக செயற்குழு கூட்டம் : திமுக பொதுச் செயலாளர் க.அன்பழகன் அறிவிப்பு

சென்னை கீழ்ப்பாக்கத்தில் உள்ள தி.மு.கவின் பொதுச்செயலாளர் அன்பழகன் வீட்டிற்கு அக்கட்சியின் செயல் தலைவர் ஸ்டாலின், முதன்மை செயலாளர் துரைமுருகன், முன்னாள் மத்திய அமைச்சர் ஆ.ராசா உள்ளிட்டோர் சென்றனர். சுமார் 10 நிமிடங்கள் முக்கிய ஆலோசனை நடத்தியதாக கூறப்படுகிறது. இதனை தொடர்ந்து, தி.மு.க பொதுச்செயலாளர் அன்பழகன், அறிக்கை ஒன்றை வெளியிட்டுள்ளார். அதில், வரும் 14ஆம் தேதி தி.மு.கவின் தலைமை செயற்குழுவின் அவசரக் கூட்டம் சென்னையில் நடைபெற உள்ளதாகவும், உறுப்பினர்கள் அனைவரும் தவறாது கலந்து கொள்ள வேண்டும் எனவும் அறிவுறுத்தப்பட்டுள்ளது. அந்த கூட்டத்தில், மறைந்த தி.மு.க தலைவர் கருணாநிதிக்கு இரங்கல் தெரிவிக்கப்பட உள்ளது. மேலும், தி.மு.கவின் அடுத்த தலைவர், கட்சியின் முக்கிய பொறுப்புகளில் யாரெல்லாம் நியமனம் செய்வது உள்ளிட்ட விஷயங்கள் குறித்து ஆலோசனை நடத்தப்படலாம் என கூறப்படுகிறது.