சென்னை கந்தன்சாவடியில் புதிதாக கட்டப்பட்டு வரும் தனியார் மருத்துவமனைக் கட்டடத்தின் சாரம் இடிந்து விழுந்ததில் ஒருவர் உயிரிழந்துள்ளார். மின்சார இணைப்பு கொடுப்பதற்காக அமைக்கப்பட்ட சாரத்தில், 48 கட்டிட தொழிலாளர்கள் பணி செய்து வந்த நிலையில், திடீரென பாரம் தாங்காமல் சாரம் சரிந்தது.
தகவலறிந்து வந்த தீயணைப்புத் துறையினர் மற்றும் தேசிய பேரிடர் மீட்புக் குழுவினர், விடிய விடிய மீட்பு பணிகளில் ஈடுபட்டனர். அப்போது, இடிபாடுகளுக்கு இடையே சடலமாக கிடந்த பப்ளூ என்ற பீஹார் இளைஞர் மீட்கப்பட்டார். மேலும், இடிபாடுகளில் சிக்கியிருந்த 27 பேர் மீட்கப்பட்டு மருத்துவமனைகளில் அனுமதிக்கப்பட்டுள்ளனர்.
