நெல்லை : நீட் தேர்வில் வெற்றி பெற்று மாணவன் படிப்பு செலவை மாவட்ட நிர்வாகம் ஏற்பு

நெல்லை பழைய பேட்டையில் வசிக்கும் பாஸ்கர், சிவசக்தி தம்பதியின் இளைய மகன் சுதாகர், நீட் தேர்வில் வெற்றி பெற்றதை அடுத்து அவருக்கு  நெல்லை மருத்துவ கல்லூரியில் மருத்துவம் படிக்க இடம் கிடைத்தது. இந்நிலையில் இதுகுறித்து அறிந்த நெல்லை மாவட்ட ஆட்சியர், சுதாகரின் குடும்பத்தை ஆட்சியர் அலுவலகத்துக்கு நேரில் அழைத்தார். ஏழ்மை நிலையிலும் மகனின் மருத்துவ கனவை நிறைவேற்றிய பெற்றோருக்கு ஆட்சியர் தனது பாராட்டுகளை தெரிவித்தார். பின்னர் சுதாகருக்கு பொன்னாடை போர்த்தி புத்தகங்களை பரிசாக அளித்து வாழ்த்தினார். விடாமுயற்சி மூலம் வெற்றி கண்ட மாணவனின் மருத்துவ படிப்பிற்கு ஆகும் செலவை மாவட்ட நிர்வாகம் ஏற்கும் என்று ஆட்சியர் உறுதியளித்தார்.