2 புலிக்குட்டிகள் விஷம் வைத்து கொலையா? - நீலகிரியில் அதிர்ச்சி

நீலகிரி மாவட்டம் எமரால்டு வனப்பகுதியில் இரண்டு புலிகள் மர்மமான முறையில் உயிரிழந்த நிலையில், அவை விஷம் வைத்து கொல்லப்பட்டிருக்கலாம் என வன அலுவலர் தகவல் தெரிவித்துள்ளார்.நீலகிரி மாவட்டம் எமரால்டு அணையின் கரையில் இறந்து கிடந்த புலியின் சடலத்தை மீட்ட வனத்துறையினர், அங்கிருந்து 50 மீட்டர் தொலைவில் மற்றொரு புலியின் சடலத்தையும் மீட்டனர். இரண்டு புலிகளுக்கும் 4 முதல் 5 வயது இருக்கலாம் எனவும், உடலில் காயங்கள் ஏதும் இல்லாததால், அவை விஷம் வைத்து கொல்லப்பட்டிருக்கலாம் எனவும் முதற்கட்ட விசாரணையில் தெரிய வந்துள்ளது. நாளை காலை 5 மருத்துவர்கள் புலிகளின் உடலை உடற்கூராய்வு செய்யவுள்ளனர். அதன் முடிவில் புலிகளின் இறப்பிற்கான காரணம் தெரியவரும் என வன அலுவலர்கள் தெரிவித்துள்ளனர்.