பாறை இடுக்கில் சிக்கிய நண்பன்... 2 மணிநேர போராட்டம்.. நண்பன் கண் முன்னே நண்பனுக்கு நேர்ந்த சோகம்

தென்காசி மாவட்டம் மேற்கு தொடர்ச்சி மலை அடிவார பகுதியான மேக்கரை அருகே, அடவி நயினார் அணை அமைந்துள்ளது. இப்பகுதியில் கடந்த சில நாட்களாக மழை பெய்து வருவதால், அணைக்கு நீர்வரத்து அதிகரித்துள்ள சூழலில், அணையை பார்வையிடவும், அங்குள்ள அருவியில் குளிக்கவும் மாவட்ட நிர்வாகம் தடை விதித்துள்ளது. இந்நிலையில், அச்சன்புதூர் பகுதியைச் சேர்ந்த ஆட்டோ ஓட்டுநர் செய்யது மசூது என்பவர், நண்பர்களோடு சேர்ந்து அருவியில் குளிக்க சென்றபோது, பாறை இடுக்கில் சிக்கி பரிதாபமாக உயிரிழந்தார். தகவல் அறிந்து வந்த போலீசார் மற்றும் தீயணைப்புத் துறையினர் 2 மணி நேர போராட்டத்திற்கு பின் உடலை மீட்டனர்