வீட்டிற்குள் புகுந்து பகீர் சம்பவம்...சிக்கிய 17 வயது சிறுவன் - திருச்சியில் அதிர்ச்சி

திருச்சியில், முன்விரோதம் காரணமாக, வீடு புகுந்து இருசக்கர வாகனம் மற்றும் குளிர்சாதன பெட்டியை எரித்த சிறுவன் உட்பட 2 பேரை போலீசார் கைது செய்தனர்.

பொன்மலை எக்ஸ் சர்வீஸ் மேன் காலனி பகுதியை சேர்ந்த அப்துல் கஃபார் என்பவர் குடும்பத்துடன் தூங்கிக் கொண்டிருந்தபோது, வீட்டில் நுழைந்த மர்மநபர்கள், இருசக்கர வாகனம் மற்றும் குளிர்சாதன பெட்டியை எரித்து விட்டு தப்பியோடினர். வீட்டில் புகை மூட்டமாக இருப்பதைக் கண்டு அதிர்ச்சி அடைந்த கஃபார் மற்றும் அவரது குடும்பத்தினர், போலீசாருக்கு தகவல் தெரிவித்ததுடன், விரைந்து செயல்பட்டு தீயை அணைத்தனர். இதுதொடர்பான புகாரின் பேரில் விசாரணை மேற்கொண்ட போலீசார், சிசிடிவி காட்சி அடிப்படையில், முகமது இப்ராகிம் சாதிக் மறறும் 17 வயது சிறுவனை கைது செய்தனர். முன்விரோதம் காரணமாக இருவரும் இந்த சம்பவத்தில் ஈடுபட்டது விசாரணையில் தெரியவந்தது.