ஒரே விமானத்தில் 13 கிலோ தங்கம்.. பரபரப்பான சென்னை ஏர்போர்ட் - அடுத்து நடந்த அதிரடி

சென்னை விமான நிலைய சுங்க இலாகா புதிய முதன்மை ஆணையராக ராமாவத் சீனிவாச நாயக் நியமிக்கப்பட்டுள்ளார். கடந்த 13-ம் தேதி, மஸ்கட்டில் இருந்து சென்னை வந்த விமானத்தில் 14 கோடி ரூபாய் மதிப்பிலான 13 கிலோ தங்கம், ஐபோன் பறிமுதல் செய்யப்பட்டன. இதனையடுத்து, விமான நிலைய சுங்க இலாகா பிரிவில் பணியாற்றிய 4 சூப்பிரண்டுகள், 16 இன்ஸ்பெக்டர்கள் இடமாற்றம் செய்யப்பட்டனர். இந்நிலையில், சென்னை விமான நிலைய சுங்க இலாக முதன்மை ஆணையராக ராமாவத் நாயக்கும், விமான நிலைய சரக்ககப்பிரிவு முதன்மை கமிஷனராக மேத்யூ ஜோலியும் செயல்படுவார்கள் என கூறப்படுகிறது.