குத்தி போடப்பட்ட பிளஸ் 2 மாணவன்.. அதிர்ச்சி பின்னணி

திண்டிவனம் பூதேரி கிராமத்தை சேர்ந்தவர் சந்தோஷ்குமார். பன்னிரண்டாம் வகுப்பு படித்து வரும் இவர், இருசக்கர வாகனத்தில் வரும்போது, பாதாள சாக்கடைக்காக தோண்டப்பட்ட பள்ளத்தில் தடுமாறி விழுந்துள்ளார். இதனால், அதிகாரிகள் திட்டியதாக கூறப்படுகிறது. அப்போது, அங்கிருந்த அபி என்பவரும் அவரது நண்பர்களும், ஏன் சத்தம் போடுகிறாய் என்று வாக்குவாத‌த்தில் ஈடுபட்டு கத்தியால் குத்தி தாக்கியுள்ளனர். தடுக்க முயன்ற புஷ்பராஜ் என்பவரையும் அடித்துள்ளனர். தகவலறிந்து சென்ற போலீசார், சந்தோஷ்குமாரை மீட்டு திண்டிவனம் அரசு மருத்துவமனையில் அனுமதித்தனர். அங்கு சிகிச்சை அளிக்கப்பட்டு, ஜிப்மர் மருத்துவமனைக்கு மேல் சிகிச்சைக்காக அனுப்பி வைக்கப்பட்டார். இந்த சம்பவம் தொடர்பாக 2 பேரை பிடித்து போலீசார் விசாரணை நடத்தி வருகின்றனர்.