உலகக்கோப்பை கிரிக்கெட்..இன்று நடக்கும் வாழ்வா சாவா போட்டி..! ட்விஸ்ட்க்காக காத்திருக்கும் ரசிகர்கள்

உலகக்கோப்பை கிரிக்கெட் தொடரில் இன்று 2 போட்டிகள் நடைபெறுகிறது. காலை 10.30 மணிக்கு லக்னோவில் உள்ள ஏகனா மைதானத்தில் நடைபெறும் முதல் போட்டியில் நெதர்லாந்து, இலங்கை அணிகள் மோதுகின்றன.

தொடர்ச்சியாக 3 போட்டிகளில் தோல்வி அடைந்த இலங்கை இன்று வெற்றி பெறும் கட்டாயத்தில் உள்ளது. அதே நேரத்தில், கடந்த போட்டியில் தென் ஆப்பிரிக்காவை வீழ்த்திய உற்சாகத்துடன் நெதர்லாந்து களமிறங்குகிறது.

மதியம் 2 மணிக்கு மும்பை வான்கடே மைதானத்தில் நடைபெறும் மற்றொரு போட்டியில் இங்கிலாந்து - தென் ஆப்பிரிக்கா அணிகள் மோதுகின்றன. காயத்தில் இருந்து குணமடைந்துள்ள இங்கிலாந்து ஆல்ரவுண்டர் பென் ஸ்டோக்ஸ், இன்று களமிறங்குகிறார்.

ஆப்கானிஸ்தானிடம் இங்கிலாந்தும், நெதர்லாந்திடம் தென் ஆப்பிரிக்காவும் அதிர்ச்சி தோல்வி அடைந்த நிலையில், இரு அணிகளும் நேருக்கு நேர் மோதுகின்றன.