மகளிர் ப்ரீமியர் லீக் கிரிக்கெட் தொடர்... உ.பி. அணியை வீழ்த்திய குஜராத்

டெல்லி அருண் ஜெட்லி மைதானத்தில் நடைபெற்ற லீக் போட்டியில் டாஸ் வென்ற குஜராத் கேப்டன் பெத் மூனி பேட்டிங் தேர்வு செய்தார். தொடர்ந்து களமிறங்கிய குஜராத் அணி, 20 ஓவர்களில் 8 விக்கெட் இழப்புக்கு 152 ரன்கள் எடுத்தது. அதிகபட்சமாக கேப்டன் பெத் மூனி 74 ரன்களும் லாரா வோல்வார்ட் 43 ரன்களும் எடுத்தனர். பின்னர் 153 ரன்கள் இலக்கை நோக்கி ஆடிய உத்தரப் பிரதேசம் 50 ரன்களுக்குள் 5 விக்கெட்டுகளை இழந்து திணறியது. 6வது விக்கெட்டுக்கு ஜோடி சேர்ந்த தீப்தி சர்மா - பூனம் நிலைத்து நின்று ஆடினர். தீப்தி சர்மா அரைசதம் அடித்தார். கடைசி வரை இருவரும் வெற்றிக்காக போராடிய நிலையில், 20 ஓவர்களில் 5 விக்கெட் இழப்புக்கு 144 ரன்கள் மட்டுமே உத்தரப் பிரதேசம் எடுத்தது. இதன்மூலம் 8 ரன்கள் வித்தியாசத்தில் குஜராத் வெற்றி பெற்றது. 88 ரன்களுடன் கடைசி வரை ஆட்டமிழக்காமல் போராடிய தீப்தி சர்மாவின் ஆட்டம் வீண் ஆனது