நியூசிலாந்துக்கு பறிபோன சூப்பர் 8 சுற்றின் கனவு.. வெஸ்ட் இண்டீஸ் வைத்த ஆப்பு..

டி20 உலகக்கோப்பை கிரிக்கெட் தொடரின் லீக் போட்டியில் நியூசிலாந்தை 13 ரன்கள் வித்தியாசத்தில் வீழ்த்தி, வெஸ்ட் இண்டீஸ் சூப்பர்-8 சுற்றுக்குள் நுழைந்தது.குரூப் சி பிரிவில் டிரிடினிடாடில் நடைபெற்ற போட்டியில் முதலில் ஆடிய வெஸ்ட் இண்டீஸ் ஆரம்பத்தில் விக்கெட்டுகளை இழந்து தடுமாறியது. கடைசி இரண்டு ஓவர்களில் வெஸ்ட் இண்டீஸ் வீரர் ரூதர்போர்டு சிக்சர் மழை பொழிந்தார். அவரின் அதிரடி அரை சதத்தால் வெஸ்ட் இண்டீஸ் 9 விக்கெட் இழப்புக்கு 149 ரன்கள் சேர்த்தது. அடுத்து ஆடிய நியூசிலாந்து அணி வெஸ்ட் இண்டீஸ் பவுலிங்கை எதிர்கொள்ள முடியாமல் திணறியது. சீரான இடைவெளியில் விக்கெட்டுகள் விழுந்த நிலையில் 20 ஓவர்களில் நியூசிலாந்து 9 விக்கெட் இழப்புக்கு 136 ரன்கள் மட்டுமே எடுத்தது. இதன் மூலம் 13 ரன்கள் வித்தியாசத்தில் வெற்றி பெற்ற வெஸ்ட் இண்டீஸ், சூப்பர்-8 சுற்றுக்கும் தகுதி பெற்றது. வெஸ்ட் இண்டீஸ் பவுலர் அல்சாரி ஜோசப் அபாரமாக பந்துவீசி 4 விக்கெட்டுகளை வீழ்த்தினார். தொடர்ந்து 2 போட்டிகளில் தோல்வி அடைந்த நியூசிலாந்தின் அடுத்த சுற்று வாய்ப்பு மங்கிவிட்டது.