TNPL 2024 - பைனலுக்கு முன்னேறியது திண்டுக்கல் அணி

டி.என்.பி.எல். தகுதிச்சுற்று போட்டியில் திருப்பூரை வீழ்த்திய திண்டுக்கல் அணி, இறுதிப்போட்டிக்கு தகுதிபெற்றது.

சென்னை சேப்பாக்கம் மைதானத்தில் நடைபெற்ற 2-வது குவாலிஃபையர் போட்டியில், திருப்பூர் மற்றும் திண்டுக்கல் அணிகள் மோதின. முதலில் பேட் செய்த திருப்பூர் அணி 108 ரன்களுக்கு ஆட்டமிழந்தது. திண்டுக்கல் அணி சார்பில் விக்னேஷ் 3 விக்கெட்டுகளையும், சுபோத் பாதி மற்றும் வருண் சக்கரவர்த்தி ஆகியோர் தலா 2 விக்கெட்டுகளையும் வீழ்த்தினர். தொடர்ந்து பேட் செய்த திண்டுக்கல் அணி, ஒரு விக்கெட்டை மட்டுமே இழந்து 112 ரன்கள் எடுத்து, 9 விக்கெட்டுகள் வித்தியாசத்தில் அபார வெற்றி பெற்றது. திண்டுக்கல் அணியின் கேப்டன் ரவிச்சந்திரன் அஷ்வின் அதிரடியாக விளையாடி 30 பந்துகளில் 69 ரன்கள் குவித்தார். இதன்மூலம் டி.என்.பி.எல். இறுதிப்போட்டிக்கு தகுதிபெற்ற திண்டுக்கல் அணி, இறுதிப்போட்டியில் கோவை அணியுடன் மோதுகிறது.