ரசிகர்கள் தலையில் இடியை இறக்கிய கம்பீர்? - பேச்சில் தெரிந்த திடீர் மாற்றம்

இந்திய அணியின் பயிற்சியாளராக கம்பீர் நியமிக்கப்பட உள்ளதாக தகவல் வெளியான நிலையில், சமீபத்தில் கம்பீர் அளித்துள்ள பேட்டி குழப்பத்தை ஏற்படுத்தியுள்ளது. தனியார் ஊடகத்திற்கு பேட்டியளித்துள்ள கம்பீர், தங்களது கொல்கத்தா அணி மூன்றாவது ஐபிஎல் கோப்பையை வென்றுள்ள நிலையில், இன்னும் 3 கோப்பைகளை வென்று சாதனை படைப்பதற்கான பயணம் தற்போதுதான் தொடங்கியிருப்பதாக குறிப்பிட்டுள்ளார். இதனால் இந்திய அணியின் பயிற்சியாளர் பதவியை ஏற்க கம்பீர் மறுத்து விட்டாரா என்றும், தொடர்ந்து கொல்கத்தா அணியுடன் பயணிக்கவுள்ளதாக சூசகமாக தெரிவித்துள்ளாரா என்றும் ரசிகர்கள் கேள்வியெழுப்பி வருகின்றனர்.