3 ஓவரில் மேட்சை முடித்த இங்கிலாந்து..ஆனால் காத்திருக்கும் ட்விஸ்ட்

டி20 உலகக்கோப்பையில் ஓமன் அணியை இங்கிலாந்து அணி பந்தாடியது. ஆன்டிகுவா நகரில் முதலில் பேட்டிங் செய்த ஓமன் அணி இங்கிலாந்து பந்துவீச்சுக்கு தாக்குபிடிக்க முடியாமல் 47 ரன்களுக்கு சுருண்டது. இங்கிலாந்து அணியில் அதிகபட்சமாக அதில் ரஷீத் 4 விக்கெட்டுகளும், ஆர்ச்சர், MARK WOOD தலா 3 விக்கெட்டுகளை கைப்பற்றி அசத்தினர். பின்னர் விளையாடிய இங்கிலாந்து அணி வெறும் 3.1 ஓவரில் இலக்கை எட்டி 8 விக்கெட் வித்தியாசத்தில் அபார வெற்றி பெற்றது.இதன்மூலம் இங்கிலாந்து அணியின் நெட் ரன்ரேட் மைனஸ் ஒன்று புள்ளி எட்டு புள்ளிகளில் இருந்து பிளஸ் 3.8ஆக ஜெட் வேகத்தில் உயர்ந்ததோடு, ஸ்காட்லாந்தைவிட ரன்ரேட் அதிகமானது.கடைசி லீக் போட்டியில் நமீபியாவை வீழ்த்துவதோடு, ஆஸ்திரேலிய அணியிடம் ஸ்காட்லாந்து அணி தோல்வியடைந்தால், இங்கிலாந்து சூப்பர் 8 சுற்றுக்கு தகுதி பெறும்..மாறாக ஸ்காட்லாந்து வென்றாலோ அல்லது போட்டி ரத்தானாலோ அல்லது நம்பீயாவிடம் தோல்வியை சந்தித்தாலோ இங்கிலாந்து தொடரில் இருந்து வெளியேறும்...